Adestramento

From Maxithlon

Hai dúas clases de adestramento: adestramento semanal e probas semanais.

Adestramento semanal

Durante o adestramento semanal cada atleta pode mellorar as súas habilidades técnicas: para conseguir o adestramento semanal o atleta debe competir e terminar unha competición cun resultado válido, nun evento da especialidade asignada polo menos unha vez desde o adestramento anterior, ou debe ser enviado a un retiro de adestramento durante a semana. Por outra banda é necesario que lle sexa asignado ao atleta un adestrador coa mesma especialidade. Co adestramento semanal o atleta consegue unha mellora moi pequena en habilidades da súa especialidade, ademais da mellora que consegue dependendo da porcentaxe do adestramento dedicado a estas habilidades.

O valor da mellora de cada unha das habilidades depende de moitos factores, entre os cales están a idade e o talento do atleta, da capacidade do adestrador e da porcentaxe do adestramento dedicado a esa habilidade. Os atletas da canteira poden ter un adestrador e ser adestrados o 50% máis rápido que os atletas do primeiro equipo, ademais non poden participar en meetings. Nun momento da semana o adestramento actualiza forma e a moral do atleta, independentemente de se tivo ou non adestramento.

As probas semanais

As probas semanais son probas da actuación de cada atleta: o atleta compite dentro do club nos acontecementos da súa especialidade (por exemplo un corredor de longa distancia fará unha proba de 5000 metros, unha de 10000 metros e unha de maratón e os resultados serán almacenados na páxina de adestramento do arquivo de cada atleta. Para facer unha proba é suficiente con que o atleta teña unha especialidade. As probas son útiles para saber o potencial dun atleta: os resultados alcanzados serán naturalmente máis baixos que os que poderían alcanzar nunha competición.

Días das probas semanais:

• Martes - Velocistas
• Mércores - Corredores de media e longa distancia
• Xoves - Marchadores
• Venres - Saltadores
• Sábado - Lanzadores